Նոր տարատեսակ կորոնավիրուսների տարածման վերաբերյալ մտավախություններով, Facebook-ն այժմ միջոցներ է ձեռնարկում գովազդատուների դեմ, որոնք ձգտում են օգտագործել մարդկանց մեջ վարակի տարածման մտահոգությունը ֆինանսական նկատառումներով:
Ինչպես հայտնում է Business Insider-ը՝ Facebook-ն այս շաբաթ հայտարարեց, որ իր պլատֆորմներում տեղադրված գովազդներում արգելվում է կորոնավիրուսի բուժման կամ կանխարգելման հետ կապված նշումները և տագնապի զգացողություն առաջացնել՝ առևտրային շահ հետապնդելով:
Նման գովազդները հայտնվում են այն տարածաշրջաներում, որտեղ վիրուսի վերաբերյալ բավականաչափ տեղեկատվություն հասանելի չէ: Ինչպես նշում է Facebook-ը, գովազդատուները փորձում են շահարկել վիրուսը:
Ըստ Facebook- ի.
«Վերջերս մենք իրականացրեցինք քաղաքականություն՝ արգելելու գովազդները, որոնք վերաբերում են կորոնավիրուսին և տագնապի զգացում են առաջացնում, ինչպես օրինակ նկատի ուեննալով՝ սահմանափակ հնարավորությունները, բուժումը կամ կանխարգելող միջոցները»:
Facebook-ի նոր գովազդային արգելքը նախնական քայլ է պլատֆորմում դադարեցնելու կորոնավիրուսային ապատեղեկատվության տարածումը:
Անցյալ ամիս Սոցիալական ցանցը հայտարարեց, որ այն խթանելու է նյութի շուրջ փաստերի ստուգման ջանքերը:
Նաև աշխատանքներ են տարվում կեղծ պահանջներ կամ դավադրություն պարունակող տեսություններով հրապարակումները հանելու համար: Վերջիններս առողջապահական մարմինների կողմից համարվում են՝ «հնարավոր վնաս պատճառելու միջոց այն մարդկանց, ովքեր հավատում են դրանց»:
Միանշանակ վիրուսի տարածման շուրջ մտահոգությունները մեծանում են և ապատեղեկատվությունը նույնպես աճում է: BuzzFeed-ը կազմել է կորոնավիրուսի տարածման վերաբերյալ բոլոր ապատեղեկատվությունների ցանկը, որն իր մեջ ներառում է կանխարգելիչ տարբերակների օգտագործման շուրջ տարօրինակ պահանջներ և այլ միջոցներ, որոնք կարող են որևէ ազդեցություն չունենալ:
Կորոնավիրուսը կամ COVID-19-ը վարակել է ավելի քան 79,000 մարդու ամբողջ աշխարհում և վերջին մի քանի ամիսների ընթացքում սպանել է ավելի քան 2600 մարդու: Իշխանությունները դեռ աշխատում են իրավիճակը հանդարտ պահպանել և մշակել բուժման տարբերակներ, սակայն հարցի շուրջ լարվածությունը մեծ է:
Փետրվարի 26-ին Միջազգային օլիմպիական հանձնաժողովը հնարավոր է 2020 թվականի Տոկիոյի Օլիմպիական խաղերը համարի չեղյալ` կորոնավիրուսային մտահոգությունների պատճառով:
Իսկապես, դրական քայլ է Facebook-ի կողմից նման արշավի մեկնարկումը,
քանի որ տեղեկատվություն տարածող պաշտոնական աղբյուրները և լրատվամիջոցները պետք է պատկերացնեն վիրուսի հետ կապված ցանկացած հայտարարության լրջությունը և թե ինչ հետևանքներ կարող է այն ունենալ:
