Առանց հստակ ռազմավարության և նպատակի՝ բովանդակություն ստեղծելը պարզապես անիմաստ է:
Ահա, առանց ավելորդությունների, կոնտենտի՝ քայլ առ քայլ ծրագիր, որը կարող եք հեշտությամբ յուրացնել:
- Սահմանել թիրախային խմբեր
- Ձևակերպել թիրախային խմբի ներգրավվածության պատճառներ
- Ստեղծվեղ կոնտենտի առանձնահատկությունը և յուօրինակությունը
- Սահմանել կարճ/երկար-աժամկետ նպատակ(ներ)
- Ընտրել աշխատանքային հարթակ(ներ)
- Հետազոտություն կոնտենտի (բովանդակության) շուրջ
- Իրականացնել առկա կոնտենտի աուդիտ
- Սահմանել հենասյունային բովանդակության թեմաներ և տեսակներ
- Հավաքել կոնտենտի մտքեր և գաղափարներ
- Ստեղծել կոնտենտի օրացույց / մեդիապլան
Հիմունքները
Կոնտենտի վերաբերյալ մարկետինգային ռազմավարություն մշակելիս, առաջին հերթին պետք է պատասխանել «բանալի» հարցերին: Բանալի՞. Այո, որովհետև հենց այս հարցերից է սկսվում ողջ կառուցողական գործընթացը:
- Ո՞ւմ համար է նախատեսված կոնտենտը:
Երբ դու գիտես թե ում ես դիմում և ում հետ ես զրուցում կոնտենտի միջոցով, ավելի լավ ես հասկանում թե ինչի մասին կարելի է պատմել, ցույց տալ և ինչ կոնտենտով կարելի է կիսվել: Այս հարցի պատասխանը նկարագրիր ինչքան հնարավոր է մանրակրկիտ: - Ի՞նչ խնդիր է քեզ համար լուծում քո կոնտենտը: Ինչով կարող ես փոխազդել քո լսարանի հետ, ինչով կարող ես օգնել և ինչով հետաքրքրել, և ինչպես է լսարանդ ուզում որ իր հետ խոսեն:
- Ինչով է քո կոնտենտն առանձնանում: Որն է քո յուրահատկությունը:
Ինչով կարող ես կիսվել միայն դու, ու չեն կարողանա մյուսները:
Որոնք են այդ յուրահատկության բաղադրիչները:
Անցնելով առաջ, արի անդրադառնանք ավելի հետաքրքիր մասին ՝ մարկետինգային ռազմավարության սպեցիֆիկային և հիմնական հստակ քայլերին:
Կոնտենտի նպատակները
Քո ողջ կոնտենտը պիտի լինի մտածված ու դիտավորյալ և ունենա հստակ նպատակ:
Պլանավորիր և սահմանիր նպատակներդ՝ ամեն շաբաթվա, ամսվա ու կես տարվա համար:
Ինչի՞ վրա պիտի կենտրոնանաս ամենաշատը, ինչպես ես քեզ ներկայացնելու շուկայում, և որոնք են քո հստակ նպատակները:
Բաժանիր մեծ նպատակներդ փոքր, պարզ քայլերի և ամեն քայլի իրականացման ժամանակ կենտրոնացումդ միշտ պահիր հաջորդ քայլի վրա:
Օրինակ.՝ Քո մեծագույն նպատակն է X գումար աշխատել ինստագրամով:
Քայլ 1. Մշակել առաջարկ (քո կամ հաճախորդի ծառայությունը, արտադրանքը),
Քայլ 2. Տաքացնել լսարանը՝ հետաքրքիր, որակյալ և արժեքավոր կոնտենտ մատուցելով, ներգրավվելով ու զբաղեցնելով:
ԵՒ այլն…
Հարթակները
Ո՞ր հարթակներում կենտրոնացնել գործունեություն:
Մի փորձիր միաժամանակ լինել բոլոր հարթակներում: ժամանակի և այլ ռեսուրսների սղության պատճառով՝ տուժելու է կոնտենտի որակը:
- Ընտրիր մեկ հիմնական հարթակ: Ինչ կոնտենտ եք նախընտրում ստեղծել՝ բլոգ, վիդեո, փոդքասթներ: Որն է ձեր իդեալական հաճախորդի համար կոնտենտի մատուցման լավագույն ձևը:
- Ընտրիր հարթակ, որից լսարանին կուղորդես քո կայք ՝ գործարքին անցնելու և այցեր ապահովելու համար: Կախված լսարանից, խորհուրդ է տրվում օգտագործել՝ Pinterest, Instagram, TikTok, Youtube, twitter և Facebook group կամ facebook page հարթակները:
- Պետք է հասկանալ թե, որտեղ է քո լսարանը. Օրինակ եթե լուսանկարիչ ես, ապա լավագույն լուծումն ինստագրամն է՝ նկարներդ ցուցադրելու, համագործակցություններ և հաճախորդներ գտնելու համար:
Եթե արհեստով կամ արվեստով ես զբաղվում կամ փոքր խանութ ունես, ապա քո բրենդն ու հմտությունը ցուցադրելու համար TikTok-ում կամ Pinterest-ում է պետք գործունեություն ծավալել և այլն:
![]()
Շուկայի հետազոտություն
Եթե դու չես ստեղծում այնպիսի կոնտենտ, որը մարդիկ փնտրում են կամ հետաքրքրված են, ապա քո կոնտենտը ԵՐԲԵՔ չի էլ գտնվի: Հետազոտիր շուկան, որպեսզի կարողանաս ստեղծել որակյալ կոնտենտ, որը քո լսարանը ցանկանում է կարդալ և ուշադրություն դարձնել: Մի մտածիր, որ դու արդեն գիտես, թե ինչ է պետք քո հաճախորդներին և մի շտապիր լցնել էջերդ, հակառակ դեպքում դու ուղղակի կվատնես քո ժամանակը: Ահա մի քանի գաղափար, թե ինչպես կարող ես արդյունավետ կերպով իրականացնել շուկայի հետազոտություններ՝ լսարանին ճանաչելուց հետո. Ահա թե ինչ գործիքներ կան ձեռքի տակ.
- Հարցում E-mail -ի միջոցով, և հարցման դիմաց պարգևատրում (զեղչ, ուսուցողական հավելյալ հոդված, կոնսուլտացիա և այլն)
- Հարցում զանգի միջոցով՝ քո ցանկալի հաճախորդի հետ (15-20ր) և գրի առնել պատասխանները
- Հարցում Instagram story-ների միջոցով: Օգտագօրծիր հարցման ստիկերներ, հարցման դաշտն ու փոխազդիր լսարանիդ հետ.
Կոնտենտ աուդիտ
Հետազոտիր կոնտենտդ. Ինչն է աշխատում, ինչը չի աշխատում, ինչ բացթողումներ ու կարիքներ ունի էջդ:
Հիմնական կոնտենտ
Հիմնական կոնտենտի գլխավոր մասն են այն թեմաները, որոնք քննարկում են քո բիզնեսի ասպեկտները:
Ընտրիր 3-5 բովանդակային թեմա, որի մասին կցանկանա իմանալ լսարանդ ու որի բարձրաձայնմանն կարիքն ունի քո բիզնեսը: Չմոռանաս նաև 1-2 թեմա վերցնել՝ անձնական և աշխատակազմի վերաբերյալ: Ի վերջո դուք էլ ևս անձնական բրենդ եք և ամենի ետևում հենց դուք եք կանգնած:
Թեմաները ևս փոփոխական են, քանի որ դու գնալով զարգանում ես և սկսում ես ավելի լավ ճանաչել լսարանդ:
Կոնտենտի գաղափարներ
Քո թեմաների շուրջ գաղափարներ կարող ես փնտրել Youtube-ում, Pinterest-ում Google-ում և այլն:
- Facebook Groups – փնտրիր խմբեր, որտեղ որ քո պոտենցիալ հաճախորդը կիսվում է իր հետաքրքրություններով. Ինչ հարցեր են նրանք տալիս, ինչ հիասթափություններով են կիսվում: Վերածիր դրանք կոնտենտի գաղափարի:
- Pinterest- Գուգլի պես Pinterest-ը ևս ունի որոնման հարթակ, որտեղ որ դու կարող ես գտնել պատասխաններ և ամենապոպուլար փիներում քո լսարանի կարիքների մասին հետաքրքիր նյութեր:
- QUORA – հարցեր որ տրվում և ստանում են պատասխաններ մարդկանց կողմից: Գտիր թեմաներ, որոնք քո պոտենցիալ հաճախորդներն ու հետևորդները առավել հետաքրքրված են:
Այսպիսով՝ վերցրու այս հոդվածից հարցերն ու կառուցիր քո ամուր ռազմավարությունը: Ուսումնասիրիր ոլորտը, մրցակիցներիդ, քեզ ու սինթեզիր հաջողության քո բանաձևը:
