Tesla-ն դատարանում պնդեց, որ ինժեները գաղտնի տվյալները փոխանցել է անձնական նոութբուքին, այնուհետև փորձել է ծածկել իր հետքերը:
Tesla-ն դատի է տվել նախկին աշխատակցին, ում մեղադրում է առևտրային գաղտնիքները գողանալու մեջ՝ կապված իր սուպերհամակարգչային նախագծի հետ, ուրբաթ հայտնել է Bloomberg-ը։ Սան Խոսեի ԱՄՆ շրջանային դատարանում ներկայացված հայցադիմումի համաձայն, ջերմային ինժեներ Ալեքսանդր Յացկովը հրաժարական է տվել մայիսի 2-ին: Նա ընկերությանը միացել էր ընդամենը մի քանի ամիս առաջ՝ հունվարին: Ըստ Tesla-ի՝ Յացկովը խոստովանել է, որ գաղտնի տեղեկատվություն է փոխանցել իր անձնական սարքերին, իսկ ավելի ուշ «կեղծ» նոութբուք է հանձնել այն բանից հետո, երբ ընկերության աշխատակիցները առերեսվել են իրեն գողության կասկածանքով:
Բացիառևտրային գաղտնիքները պաշտպանելու համար նախատեսված՝ չհրապարակման պայմանագիրը խախտելուց, Tesla-ն նաև մեղադրում է Յացկովին իր ռեզյումեում փորձն ու հմտությունները խեղաթյուրելու մեջ: Դրան ի պատասխան Յացկովը հրաժարվել է մեկնաբանություններից։
«Սա առևտրային գաղտնիքների՝ ապօրինի պահպանման դեպք է, մի աշխատակցի կողմից, ով Tesla-ում աշխատանքի կարճ ժամանակահատվածում արդեն ցույց է տվել ստելու և այնուհետև Խաբելու փորձը՝ տրամադրելով «կեղծ» սարք՝ փորձելով ծածկել իր հետքերը»,- հայտնում է ընկերությունը:
Անցյալ ամառ ընկերությունը վերջապես բացատրեց իր «Dojo» նախագիծն ավելի մանրամասն: Նախագիծը նպատակ ունի AI-ի միջոցով վերլուծել հսկայական քանակությամբ մեքենաների տվյալները և ավելի անվտանգ, ավելի կատարելագործված ինքնավար վարորդական համակարգ ստեղծել:
Համակարգիչը, որն առաջարկում է 1,8 էկզաֆլոպ կատարողականություն և 10 պետաբայթ NVME պահեստ, որն աշխատում է 1,6 տերաբայթ/վրկ արագությամբ, ինքն իրեն մարզում է Tesla-ի մեքենաների ութ տեսախցիկների միջոցով, որոնք աշխատում են 36 կադր/վրկ արագությամբ:
