WhatsApp-ը սկսել է փորձարկել նոր ֆունկցիա, որը կհեշտացնի հավելվածով անծանոթ մարդկանց հետ զրույց սկսելը:
Հիմա անհնար է նամակագրություն սկսել համարի հետ, որը գրանցված չէ ձեր հեռախոսագրքում:
Նոր ֆունկցիան, ինչպես հայտնում է WABetaInfo-ն, հնարավորություն կտա կապ հաստատել ցանկացած համարի հետ՝ առանց հեռախոսագրքի մեջ գրանցելու:
Android-ի համար WhatsApp-ի բետա տարբերակն արդեն հասանելի է: Երբ ընտրում եք չպահպանված համար՝ այն առաջարկում է միանգամից մի քանի գործողություններ։
Երկար սեղմելու դեպքում ձեր էկրանին հայտնվում է մենյու, որտեղ արաջարկում է ընտրել՝ սկսել զրույց, պահպանել կամ զանգահարել:
