Առաջին հայացքից բավական հեշտ հարց է թվում. ո՞վ է ձեր իդեալական հաճախորդը։ Ինչու՞մն է բարդությունը հասկանալու, թե ո՞վ և ինչի՞ համար կարող է ձեր ծառայության կամ արտադրանքի կարիքն ունենալ։ Շատերը թերագնահատում են այս հարցերին պատասխանելու կարևորությունը:
Իդեալական հաճախորդին չհայտնաբերելու արդյունքում դուք՝
- վաճառում եք բոլորին անխտիր,
- գուշակում եք՝ ինչպես գտնել հաճախորդներ,
- սխալ տեղերում եք գովազդում,
- հովանավորում եք սխալ միջոցառումներ,
- մրցակցում եք գնով, ոչ թե արժեքով,
- սխալ հաճախորդների եք գրավում,
- ժամանակ եք վատնում` անհատական առաջարկներ անելով,
- չեք կարողանում ձեր բրենդը ճիշտ ներկայացնել հաճախորդներին ,
- մարքեթինգային ալիքների միջոցով տարածում եք ձեր իդեալական հաճախորդի համար անհետաքրքիր նյութեր, նկարներ և հոդվածներ,
- Վեբ կայքերն օպտիմալացնում եք սխալ կամ ոչ ճշգրիտ հիմնաբառերով (keyword),
- Վաճառքի ընթացքում ոչ տեղին ինֆորմացիա եք մեջբերում,
- սահմանափակում կամ ամբողջովին չեք գիտակցում ձեր բիզնեսի պոտենցիալը:
Բոլորին գոհացնելը ճիշտ ռազմավարություն չէ և ոչ արդյունավետ է աճ ապահովելու տեսանկյունից։ Եթե դուք չգիտեք թե ո՞վ է ձեր իդեալական հաճախորդը, ու՞մ Է ուղղված լինելու ձեր գովազդը և որտե՞ղ։ Ինչպե՞ս կողմնորոշվել։ Պատասխանեք հետևյալ 4 պարզ հարցերին՝
- Ինչպի՞սի հաճախորդի հետ ես չեմ ուզում աշխատել։
- Ինչպի՞սի հաճախորդի հետ եմ ես ուզում աշխատել։
- Ինչպե՞ս գրավել ցանկալի հաճախորդների:
- Որտե՞ղ են նրանք անցկացնում իրենց ժամանակը։
Ձեր իդեալական հաճախորդին գտնելը և, միայն դրանից հետո, ծառայությունները, ապրանքները, հաճախորդի կարիքները վերլուծելը ու գործընթացները նրանց հարմարեցնելը պետք է լինի ձեր մարքեթինգային ռազմավարության հիմքը։
Այս հարցերին պատասխանելն առաջին քայլն է հասկանալու, թե ով է ձեր իդեալիական հաճախորդը։ Համաձայնվեք՝ «շուկայում աղմկելու» փոխարեն ավելի լավ է երկխոսության մեջ մտնել նրանց հետ ում համար դուք աշխատում եք ամեն օր։ Սա է արդյունավետ մարքեթինգային ռազմավարության հիմքը։
Ու՞մ համար եք գովազդում դուք և ի՞նչ մեթոդներ եք օգտագործում։ Արդյո՞ք թվարկված հարցերը օգտակար են ձեզ համար։ Բոլոր մեկնաբանությունները ողջունելի են։
